أحيانًا، تصنع أبسط السناكس أحلى لحظات اليوم!
قرمشة بسكويتة مع كباية الشاي، أو بسكويت ساندويتش بالكريمة في استراحة الشغل، أو تحلية خفيفة نلتم عليها مع العيلة والأصحاب.. تفاصيل بسيطة تقدر تحوّل أي وقت عادي لعادة حلوة بنستناها.
ومن هنا جاء وعد “فيفا”: نشر السعادة.
في فيفا للصناعات الغذائية، بنبتكر تشكيلة متنوعة من البسكويت عشان تناسب كل الأذواق والمناسبات والأسواق. بدايةً من الكلاسيكيات البسيطة، لحد بسكويت الكاكاو الغني وساندويتشات الكريمة اللذيذة.. مجموعتنا بتديك خيارات مالهاش أخر عشان تستمتع بسناكك المفضل.
البداية مع الأصالة: V.Light
للي بيعشقوا البساطة، V.Light بيقدم التجربة الكلاسيكية للـ “بسكويت السادة” اللي كبرنا عليه.
مخبوز بطريقة تديك قرمشة مظبوطة، ومعمول مخصوص للتقرمش اليومي، وقعدة الشاي، ولمة العيلة. وموجود بنكهات متعددة: الأصلي، والزبدة، وجوز الهند، واللوتس، والشوكولاتة، عشان يرضي كل الأذواق.
اكتشف بسكويت الساندويتش المستطيل
لو بتدور على تجربة فيها كريمة أكتر، “فيفا” بتقدم لك خيارين مميزين من البسكويت المستطيل:
ChocoMix بيجمع بين بسكويتة كاكاو وبسكويتة فانيليا وبينهم حشوة كريمة ناعمة. المكس دا مش بس بيدي شكل مختلف ومبهج، دا كمان بيخلي كل قطمة فيها تناغم نكهات تجنن.
أما V.wich فدا معمول لعشاق الشوكولاتة؛ بسكويتتين كاكاو مقرمشين جواهُم حشوة كريمة غنية، لتجربة شوكولاتية من الآخر!
النوعين متوفرين بحشوات كريمة متنوعة: فانيليا، وشوكولاتة، وفراولة، وبندق.
مقرمش، ودائري، ومحشو بالكريمة
مجموعة البسكويت الدائري بتزود القائمة بتنوع أكبر:
VBites بيجمع بين بسكويتتين كاكاو دائريتين ومقرمشتين مع حشوة كريمة غنية، بينما A-ONE بيقدم بسكويت الفانيليا الدائري مع تشكيلة واسعة من الكريمة بنكهات: الفانيليا، والشوكولاتة، والفراولة، والبندق، وجوز الهند، والبرتقال.
وعندنا كمان Vmix اللي بيجمع الكاكاو والفانيليا في بسكويتة ساندويتش واحدة؛ بسكويتة كاكاو مقرمشة مع بسكويتة فانيليا وبينهم كريمة ناعمة، لتوليفة مميزة في الشكل والمذاق والقرمشة.
معمول مخصوص علشان يفرحك
رغم إن كل منتج من “فيفا” ليه شخصيته وطعمه الخاص، إلا إن كلهم متجمعين حولين هدف واحد: صناعة تجربة بسكويت تحبها من أول قطمة.
بنختار مكوناتنا بعناية وبنركز إن الطعم والقرمشة يكونوا بنفس الجودة في كل عبوة. ده غير إن منتجاتنا بتنزل بأشكال وتغليفات مختلفة لتلبية احتياجات مختلف الأسواق والعملاء.
سواء بتحب البسكويت السادة البسيط، أو بتفضل ساندويتش الكاكاو المحشو بالكريمة، أكيد فيه بسكويتة من “فيفا” مستنياك عشان تخلي وقت السناك أحلى!
اكتشف طعمك المفضل.. ودوق “فيفا”.
